ವಾರಭವಿಷ್ಯ 13.07.2025 ರಿಂದ 19.07.2025ರ ತನಕ

ವಾರಭವಿಷ್ಯ 13.07.2025 ರಿಂದ 19.07.2025ರ ತನಕ

• ಕೆ.ಸುಬ್ರಹ್ಮಣ್ಯ ಆಚಾರ್ಯ

ವಿಶೇಷ ದಿನಗಳು :

13.07.2025- ವಕ್ರಶನಿ

14.07.2025-ಸಂಕಷ್ಟ ಚತುರ್ಥ(ಚಂದ್ರದರ್ಶನ ಘಂ-9
,9-53)

16.07.2025- ಕರ್ಕಾಟಕ ಸಂಕ್ರಮಣ

18.07.2025-ವಕ್ರೀ ಬುಧ

ಮೇಷ: ಸಂದರ್ಭೋಜಿತ ವಿವೇಚನಾಯುಕ್ತ ನಡೆಯಿಂದ ನೀವು ಮಾಡುತ್ತಿರುವ ಉದ್ಯೋಗ ವ್ಯವಹಾರಗಳಲ್ಲಿ ಯಶಸ್ಸು ಪಡೆಯುವಿರಿ, ಮಾನಸಿಕ ನೆಮ್ಮದಿ ಪಡೆಯುವಿರಿ, ನೀವು ನಿತ್ಯವೂ ಮಾಡುತ್ತಿರುವ ವಿಷ್ಣು ಸಹಸ್ರನಾಮ ಪಾರಾಯಣದಿಂದ ಸಾಡೇ ಸಾತ್ ಶನಿಯ ದೋಷದ ಪ್ರಮಾಣವೂ ಕಡಿಮೆಯಾಗಲಿದೆ. ಕುಜ ಕೇತುವಿನ ದೋಷವೂ ಕಡಿಮೆಯಾಗಲಿದೆ. ಅವಿವಾಹಿತ ರಿಗೆ, ವಿವಾಹ ಯೋಗ ಕೂಡಿಬರಲಿದೆ.

ವೃಷಭ :ಇಂದಿನಿಂದ ವಕ್ರಿ ಶನಿಯ ಪ್ರಭಾವ ನಿಮ್ಮ ಗಮನಕ್ಕೆ ಬರಲಿದೆ. ಬರುವ ಆದಾಯದಲ್ಲಿ ಇನ್ನೂ ಐದು ತಿಂಗಳ ಕಾಲ ಕೊರತೆ ಆಗಲಿದೆ. ಉದ್ಯೋಗದಲ್ಲಿ ಸಹವರ್ತಿಗಳ ಜೊತೆಗೆ ಬಹಳ ಮೃಧು ಧೋರಣೆಯಿಂದ ವರ್ತಿಸಬೇಕಾಗಿದೆ. ಆರೋಗ್ಯದ ಕಡೆಗೆ ಗಮನವಿರಲಿ, ಕುಜ ಕೇತು ಸುಖ ಸ್ಥಾನದಲ್ಲಿ ಇದ್ದಾರೆ. ದುರ್ಗಾರಾಧನೆ ಅಗತ್ಯವಾಗಿದೆ. ಮನೆಯಲ್ಲಿ ಸಂತಸದ ವಾತಾವರಣ ನೆಲೆಸಲಿದೆ. ದೇವರ ಅನುಗ್ರಹ ಉತ್ತಮವಾಗಲಿದೆ.

ಮಿಥುನ : ನಿಮ್ಮ ಆರೋಗ್ಯದ ಕಡೆಗೆ ಗಮನ ಹರಿಸುವಂತೆ ಶುಕ್ರ, ಗುರು ಸೂಚನೆ ನೀಡುತ್ತಿದ್ದಾರೆ. ನಿಮ್ಮ ಪರಿಶ್ರಮದ ಪರವಾಗಿ ಹೆಚ್ಚಿನ ಸ್ಥಾನ ಮಾನ ಪ್ರಾಪ್ತಿಯಾಗಲಿದೆ. ದೂರದ ಊರಿಗೆ ಪ್ರಯಾಣ ಮಾಡುವ ಸೂಚನೆ ಇರುತ್ತದೆ ನಿಮ್ಮ ಉದ್ಯೋಗದಲ್ಲಿ ಶನಿಯ ವಕ್ರ ಸ್ಥಿತಿ ಯಿಂದಾಗಿ ಕಿರಿ ಕಿರಿ ಪ್ರಮಾಣ ಮೇಲಧಿಕಾರಿಯಿಂದ ಸಿಗಲಿದೆ. ಈ ಸ್ಥಿತಿ ಮುಂದಿನ ಐದು ತಿಂಗಳು ಇರುತ್ತದೆ. ದಂಪತಿಗಳ ನಡುವೆ ಅನ್ನೋನ್ಯತೆ ಅಗತ್ಯವಿದೆ.

ಕರ್ಕಾಟಕ : ಆರೋಗ್ಯ ವೃದ್ಧಿ ನಿರೀಕ್ಷಿತ ಕಾರ್ಯಗಳು ಸಫಲವಾಗುತ್ತವೆ. ನೆಮ್ಮದಿ ಕಡಿಮೆ ಇದ್ದರೂ ಆರ್ಥಿಕ ಚಿಂತೆ ಇರುವುದಿಲ್ಲ. ವ್ಯಯದಲ್ಲಿ ಇರುವ ಗುರುವಿಗೆ ಅಷ್ಟಮದಲ್ಲಿ ಇರುವ ರಾಹುವಿಗೆ, ವಕ್ರಿ ಶನಿಗೆ ಜಪ ಮಾಡುವುದನ್ನು ಮರೆಯಬೇಡಿರಿ. ಸಾಮಾಜಿಕ ಚಟುವಟಿಕೆಗಳಲ್ಲಿ ನಿಮ್ಮ ವರ್ಚಸ್ಸು ಹೆಚ್ಚಲಿದೆ. ಕೃಷಿ ಚಟುವಟಿಕೆಗಳಲ್ಲಿ ನಷ್ಟ ಬರುವ ಸಾಧ್ಯತೆ ಇದೆ. ವಿದ್ಯಾರ್ಥಿಗಳಿಗೆ ವಿದ್ಯಾ ಪ್ರಗತಿಯ ಸಂಭ್ರಮ.

ಸಿಂಹ : ಉದ್ಯೋಗ ಕ್ಷೇತ್ರದಲ್ಲಿ ಇರುವವರಿಗೆ ಮುಂಭಡ್ತಿ ಯೋಗವಿದೆ ಲಾಭ ಕ್ಷೇತ್ರದಲ್ಲಿ ಗುರು ಇರುವ ಸಮಯವಾಗಿದೆ. ಸಧ್ಯದಲ್ಲಿಯೇ ಮಂಗಳಕಾರ್ಯಗಳಿಂದ ಮನಸ್ಸಿಗೆ ಸಂತೋಷ ಬರುವ ಸಮಯವಾಗಿದೆ.ರಾಹು ಶನಿಯ ವಿಷಯದಿಂದ ಕಫ ಶೀತ ತಲೆನೋವು, ಗಂಟು ನೋವು ಬರುವ ಸಾಧ್ಯತೆಗಳು ಇವೆ, ನಿರುದ್ಯೋಗಿಗಳಿಗೆ ಉದ್ಯೋಗ ಪ್ರಾಪ್ತಿ ಯೋಗವಿದೆ, ಧೈರ್ಯದಿಂದ ಯೋಜಿತ ಕಾರ್ಯಕ್ಕಿಳಿಯಿರಿ.

ಕನ್ಯಾ : ರಾಜಕೀಯದಲ್ಲಿ ಗೊಂದಳಗಳಿದ್ದರೂ ಹೊಸ ಸ್ಥಾನ ಮಾನ ಸಿಗಲಿದೆ. ಅವಿವಾಹಿತರಿಗೆ ವಿವಾಹಭಾಗ್ಯ ಎಲ್ಲಾ ರೀತಿಯ ಸೌಕರ್ಯಗಳಿದ್ದರೂ ಚಿಂತೆಯೊಂದು ಕಾಡುತ್ತಿರುತ್ತಿರುತ್ತದೆ. ಸಪ್ತಮದ ಶನಿಗೆ ಪರಿಹಾರ ಅಗತ್ಯವಿರುತ್ತದೆ. ನೌಕರ ವರ್ಗದವರಿಗೆ ಹೆಜ್ಜೆ ಹೆಜ್ಜೆಗೂ ಎಚ್ಚರ ಅಗತ್ಯವಿರುತ್ತದೆ ಅನ್ಯ ಮಹಿಳೆಯರ ಬಗ್ಗೆ ಎಚ್ಚರವಹಿಸುವುದು ಅಗತ್ಯವಾಗಿರುತ್ತದೆ ಅನ್ಯರಿಗೆ ಸಾಲ ಕೊಟ್ಟು ಹಣ ಹಿಂದೆ ಬರದೇ ಸಿಕ್ಕಿಬೀಳುವ ಸಾಧ್ಯತೆ ಇದೆ.

.

ತುಲಾ : ತಾತ್ಕಾಲಿಕ ವೃತ್ತಿಯವರಿಗೆ ಪೂರ್ಣಕಾಲಿಕ ವಾಗುವ ಸಮಯವಾಗಿದೆ.ಅಧಿಕಾರಿಗಳಿಗೆ, ಉದ್ಯೋಗಿಗಳಿಗೆ ವರ್ಗಾವಣೆಯ ತೊಂದರೆ ಕಾಡಲಿದೆ. ಸಾಂಸಾರಿಕ ಸಮಸ್ಯೆಗಳು ನೆಮ್ಮದಿ ಕೆಡಿಸಲಿವೆ. ಆರೋಗ್ಯದಲ್ಲಿ ಏರುಪೇರು ಸಂಭವಿಸಬಹುದು. ಬೇಸಾಯ ವೃತ್ತಿಯವರಿಗೆ ಉತ್ತಮಾಡಿನಗಳಾಗಿವೆ. ಪಂಚಮದ ರಾಹುವಿಗೆ ನಾಗ ದೇವರಿಗೆ ಯಥಾ ಶಕ್ತಿ ಸೇವೆಯನ್ನು ಸಲ್ಲಿಸುತ್ತಾ ಬನ್ನಿರಿ, ಶನಿಯೂ ವಕ್ರಿಯಾಗಿರುವುದರಿಂದ ವಿಷ್ಣು ಸಹಸ್ರನಾಮ ಪಾರಾಯಣ ಅಗತ್ಯವಿದೆ.

ವೃಶ್ಚಿಕ : ಅವಿವಾಹಿತರಿಗೆ ವಿವಾಹ ಯೋಗ ಕೆಲವು ಪರಿಹಾರಗಳನ್ನು ಮಾಡಿದಾಗ ಬರಲಿದೆ.ಪಾರ್ವತೀ ಸ್ವಯಂವರ ಪೂಜೆ ಅಗತ್ಯವಿದೆ. ವೃತ್ತಿರಂಗದಲ್ಲಿ ವ್ಯವಹಾರದಲ್ಲಿ ಇರುವವರು ಸುದರ್ಶನ ಮಹಾ ಮಂತ್ರ ಪಾರಾಯಣ ಮಾಡಿಕೊಂಡು ಬರುವುದರಿಂದ ಹಿತಶತ್ರುಗಳ ಕಾಟದಿಂದ ಮುಕ್ತಿಯನ್ನು ಹೊಂದ ಬಹುದು, ರಾಜಕೀಯದಲ್ಲಿ ಇರುವ ಮಿತ್ರರಿಗೆ ಸ್ಥಾನ ಮಾನ ಗೌರವ ಪ್ರಾಪ್ತಿ ಯೋಗವಿದೆ, ಹಣದ ಮುಗ್ಗಟ್ಟು ಉಂಟಾಗಲಿದೆ.

ಧನು : ವ್ಯಾಪಾರ-ವ್ಯವಹಾರದಲ್ಲಿರುವವರಿಗೆ ಬಂಪರ್ ಲಾಟರೀ ಬಂದ ಅನುಭವ ಶನಿ ಮತ್ತು ರಾಹು ಕೊಡಲಿದ್ದಾರೆ. ಕೃಷಿ ಬೇಸಾಯ ವೃತ್ತಿಯಲ್ಲಿರುವವರಿಗೆ ಸಮಾಧಾನಕರ ದಿನಗಳು, ಕೆಲವೊಮ್ಮೆ ಸಾಂಸಾರಿಕ ಸಮಸ್ಯೆಗಳು ನೆಮ್ಮದಿಯನ್ನು ಕೆಡಿಸಬಹುದು, ಬಂಧು-ಮಿತ್ರರಿಂದ ಸಹಕಾರವಿದೆ. ಯಾವುದೇ ಪ್ರತಿಕೂಲ ಪರಿಸ್ಥಿತಿ ಒದಗಿದರೂ ಸಹನೆ ಕಳೆದುಕೊಳ್ಳದಿರಿ ಕೆಲಸದ ಒತ್ತಡ ಹೆಚ್ಚಬಹುದು. ದೈಹಿಕ ಕ್ಷಮತೆ ನಿಭಾಯಿಸಿ.

ಮಕರ : ಉತ್ಸಾಹ ಹೆಚ್ಚುವ ಸಮಯವಿದು. ವೈಯಕ್ತಿಕ ಸಮಸ್ಯೆಗಳು ಪರಿಹಾರವನ್ನು ಕಂಡು ಮನಸ್ಸು ನಿರಾಳವಾಗುತ್ತದೆ. ಆರೋಗ್ಯ ಸಂಬಂಧೀ ಕಳವಳವಳಗಳು ದೂರವಾಗುತ್ತವೆ.ಅತೀ ಸಣ್ಣ ವಿಷಯಗಳಿಗೂ ಉದ್ವಿಘ್ನಗೊಳ್ಳುವಿರಿ, ಆದುದರಿಂದ ಆತ್ಮೀಯ ಸಂಬಂಧಗಳು ಹಾಳಾಗಬಹುದು. ಸಕಾಲದಲ್ಲಿ ಕಾರ್ಯ ಮುಗಿಸುವಟ್ಟ ಮುತುವರ್ಜಿವಹಿಸಿರಿ, ಹಣಕಾಸು ವಿಷಯಗಳನ್ನು ಎಚ್ಚರದಿಂದ ನಿಭಾಯಿಸಿರಿ.

ಕುಂಭ : ಸಾಡೇ ಸಾತ್ ಶನಿಯ ಕಾಟ ಮುಂದುವರಿದಿದೆ. ಆತ್ಮೀಯರ ಜೊತೆಗೆ ವಾದ ವಿವಾದಗಳನ್ನು ಮಾಡುವ, ಒಮ್ಮೆಲೇ ಸಿಟ್ಟುಮಾಡುವ ನಿಮ್ಮ ಪ್ರವೃತ್ತಿಯಿಂದ ನಿಮಗೆ ಹೊರಬರಲಾಗುತ್ತಿಲ್ಲ.ವಿಷ್ಣು ಸಹಸ್ರನಾಮ ಪಾರಾಯಣದಿಂದ ಮಾತ್ರ ಇದಕ್ಕೆ ಮುಕ್ತಿ ಸಿಗಲಿದೆ. ಆರೋಗ್ಯದ ವಿಷಯದಲ್ಲಿ ಎಚ್ಚರವಹಿಸಿರಿ. ಇಬ್ಬರು ನಿಮ್ಮ ಪಾಲುದಾರರು ದೂರವಾಗಲಿದ್ದಾರೆ ದೂರ ಪ್ರಯಾಣವನ್ನು ಮುಂದೂಡುವುದು ಉತ್ತಮ,

ಮೀನ : ಆತ್ಮೀಯರೊಂದಿಗಿನ ದೀರ್ಘಕಾಲದ ವಿವಾದಗಳು ಬಗೆಹರಿಯುತ್ತವೆ. ವ್ಯಾಪಾರ -ವ್ಯವಹಾರಗಳಲ್ಲಿ ದ್ವಂದ್ವ ಆಲೋಚನೆಗಳಿದ್ದಾರೆ ತೊಂದರೆಗೆ ಒಳಗಾಗುತ್ತೀರಿ. ಹಲವು ಪ್ರಯತ್ನಗಳಿಂದ ಗುರಿ ತಲುಪಲು ಪ್ರಯತ್ನಿಸಿದರೆ ಯಶಸ್ಸು ಸಿಗುತ್ತದೆ, ಸಾಡೇ ಸಾತ್ ಶನಿ ನಿಮ್ಮ ಜನ್ಮ ರಾಶಿಯಲ್ಲಿ ಸಂಚಾರ ಮಾಡುತ್ತಿರುವುದರಿಂದ ವಿಷ್ಣು ಸಹಸ್ರನಾಮ ಪಾರಾಯಣ ಮಾಡಿಕೊಂಡು ಬರಬೇಕು. ಧನಾತ್ಮಕ ಮನಸ್ಥಿತಿಯಲ್ಲಿ ಮುಂದುವರಿದರೆ ಅಸಾಧ್ಯವನ್ನು ಸಾಧಿಸಿಕೊಳ್ಳುವಿರಿ.

ನಿಮ್ಮ ಪೂರ್ಣ ಪ್ರಮಾಣದ ಕಂಪ್ಯೂಟರ್ ಜಾತಕವನ್ನು ಮಾಡಿ ಕೊಡಲಾಗುವುದು. ಜಾತಕವಿಲ್ಲದವರಿಗೆ ಕವಡೆ ಮೂಲಕ ಪ್ರಸ್ತುತ ವಿಷಯಗಳನ್ನು ತಿಳಿಸಲಾಗುವುದು, ನೀವು ನಡೆಸುವ ಶುಭ ಕೆಲಸಗಳಿಗೆ ಮುಹೂರ್ತವನ್ನು ತಿಳಿಸಲಾಗುವುದು, ವಾಸ್ತು ಸಲಹೆ /ವಿವಾಹ ಹೊಂದಾಣಿಕೆ ಮಾಡಿಕೊದಲಾಗುವುದು.

.