ತೈಲ ಅಭ್ಯಂಜನದ ಪ್ರಮುಖ ಲಾಭಗಳು

ಅಭ್ಯಂಗಂ ಶಿರಸಹಿತ ದೇಹ ತೈಲ ಮರ್ದನಮ್’:
ಅಭ್ಯಂಗ ಸ್ನಾನ ರೂಡಿಸಿಕೊಳ್ಳಿರಿ, ಆರೋಗ್ಯವಾಗಿರಿ!
ಅಭ್ಯಂಗವನ್ನು ಸತತವಾಗಿ ಅಭ್ಯಾಸ ಮಾಡಿದರೆ, ಅದರಿಂದ ಆಯಾಸ ನಿವಾರಣೆಯಾಗುತ್ತದೆ, ವಯಸ್ಸಾದ ನಂತರ ಎದುರಾಗುವ ಸಮಸ್ಯೆಗಳನ್ನು ತಡೆಗಟ್ಟುತ್ತದೆ.

ತೈಲ ಅಭ್ಯಂಜನದ ಪ್ರಮುಖ ಲಾಭಗಳು

ಚರ್ಮದ ಆರೋಗ್ಯ: ತೈಲ ಅಭ್ಯಂಜನವು ಚರ್ಮವನ್ನು ತೇವವಾಗಿ ಮತ್ತು ಮೃದುವಾಗಿಡಲು ಸಹಾಯ ಮಾಡುತ್ತದೆ. ಇದು ಚರ್ಮದ ಕಾಂತಿಯನ್ನು ಹೆಚ್ಚಿಸಿ, ಅದನ್ನು ಆರೋಗ್ಯಕರವಾಗಿಸುತ್ತದೆ.
ದೇಹಕ್ಕೆ ತಂಪು:
ಎಣ್ಣೆ ಸ್ನಾನ ಮಾಡುವುದರಿಂದ ದೇಹಕ್ಕೆ ತಂಪು ಸಿಗುತ್ತದೆ, ವಿಶೇಷವಾಗಿ ಬಿಸಿ ವಾತಾವರಣದಲ್ಲಿ ಅಥವಾ ಬೇಸಿಗೆಯಲ್ಲಿ ಇದು ಉತ್ತಮ. ಆಯುರ್ವೇದದ ಪ್ರಕಾರ, ದೇಹದ ತಾಪಮಾನವನ್ನು ಸಮತೋಲನಗೊಳಿಸಲು ಇದು ಸಹಕಾರಿ.
ಮಾನಸಿಕ ಶಾಂತಿ: ಅಭ್ಯಂಜನವು ಮನಸ್ಸಿಗೆ ಶಾಂತಿಯನ್ನು ನೀಡುತ್ತದೆ ಮತ್ತು ಒತ್ತಡವನ್ನು ಕಡಿಮೆ ಮಾಡುತ್ತದೆ. ಇದು ದೇಹ ಮತ್ತು ಮನಸ್ಸನ್ನು ವಿಶ್ರಾಂತಗೊಳಿಸಲು ಸಹಾಯ ಮಾಡುತ್ತದೆ.
ಸ್ನಾಯು ಮತ್ತು ಕೀಲುಗಳ ಆರೋಗ್ಯ:
ಮಸಾಜ್ ರೂಪದಲ್ಲಿ ಎಣ್ಣೆಯನ್ನು ಹಚ್ಚುವುದರಿಂದ ಸ್ನಾಯುಗಳು ಮತ್ತು ಕೀಲುಗಳು ಬಲಗೊಳ್ಳುತ್ತವೆ. ಇದು ದೇಹದ ನೋವು ಮತ್ತು ಆಯಾಸವನ್ನು ನಿವಾರಿಸಲು ಸಹಾಯ ಮಾಡುತ್ತದೆ.
ರಕ್ತ ಪರಿಚಲನೆಯ ಸುಧಾರಣೆ: ಎಣ್ಣೆ ಮಸಾಜ್ ಮಾಡುವುದರಿಂದ ದೇಹದಲ್ಲಿ ರಕ್ತ ಪರಿಚಲನೆ ಉತ್ತಮಗೊಳ್ಳುತ್ತದೆ, ಇದರಿಂದಾಗಿ ದೇಹದ ಎಲ್ಲಾ ಭಾಗಗಳಿಗೆ ಆಮ್ಲಜನಕ ಮತ್ತು ಪೋಷಕಾಂಶಗಳು ಸಮರ್ಪಕವಾಗಿ ತಲುಪುತ್ತವೆ.
ನಿದ್ರೆಯ ಸುಧಾರಣೆ : ಉತ್ತಮ ಅಭ್ಯಂಜನವು ರಾತ್ರಿಯಲ್ಲಿ ಉತ್ತಮ ನಿದ್ರೆ ಪಡೆಯಲು ಸಹಾಯ ಮಾಡುತ್ತದೆ. ವಿಶ್ರಾಂತಗೊಂಡ ದೇಹ ಮತ್ತು ಮನಸ್ಸು ನಿದ್ರೆಯ ಗುಣಮಟ್ಟವನ್ನು ಹೆಚ್ಚಿಸುತ್ತದೆ.
ಬ್ಯಾಕ್ಟೀರಿಯಾ ವಿರೋಧಿ ಗುಣಗಳು: ಕೆಲವು ಎಣ್ಣೆಗಳು, ಅದರಲ್ಲೂ ಆಯುರ್ವೇದದಲ್ಲಿ ಬಳಸುವ ತೈಲಗಳು, ನಂಜುನಿರೋಧಕ ಗುಣಗಳನ್ನು ಹೊಂದಿರುತ್ತವೆ ಮತ್ತು ಚರ್ಮದ ಸೋಂಕುಗಳಿಂದ ರಕ್ಷಿಸುತ್ತವೆ.
ಪ್ರತಿದಿನ ಎಣ್ಣೆ ಸ್ನಾನ ಮಾಡುವುದರಿಂದ ಹಲವು ಪ್ರಯೋಜನಗಳಿವೆ
ಜ್ವರ, ಅಜೀರ್ಣ, ಮತ್ತು ಇತರ ಅನಾರೋಗ್ಯ ಸಮಸ್ಯೆಗಳಿಂದ ದೂರವಿರಲು ಇದು ಸಹಾಯ ಮಾಡುತ್ತದೆ.
ತೈಲ ಅಭ್ಯಂಜನ ಮಾಡುವುದು ಹೇಗೆ?
ಸಾಮಾನ್ಯವಾಗಿ, ತೈಲ ಅಭ್ಯಂಜನವನ್ನು ಬೆಳಿಗ್ಗೆ ಎದ್ದ ತಕ್ಷಣ ಮಾಡುವುದು ಉತ್ತಮ.
ಎಣ್ಣೆ ಆಯ್ಕೆ: ನಿಮ್ಮ ದೇಹದ ಪ್ರಕೃತಿಗೆ ಅನುಗುಣವಾಗಿ ಎಣ್ಣೆಯನ್ನು ಆರಿಸಿಕೊಳ್ಳಿ. ಎಳ್ಳೆಣ್ಣೆ, ಕೊಬ್ಬರಿ ಎಣ್ಣೆ, ಅಥವಾ ಸಾಸಿವೆ ಎಣ್ಣೆ ಸಾಮಾನ್ಯವಾಗಿ ಬಳಕೆಯಲ್ಲಿರುವ ತೈಲಗಳು.
ಎಣ್ಣೆಯನ್ನು ಬಿಸಿ ಮಾಡುವುದು: ಎಣ್ಣೆಯನ್ನು ಸ್ವಲ್ಪ ಬಿಸಿ ಮಾಡಿ. ಇದು ಎಣ್ಣೆಯು ಚರ್ಮಕ್ಕೆ ಆಳವಾಗಿ ಹೀರಿಕೊಳ್ಳಲು ಸಹಾಯ ಮಾಡುತ್ತದೆ.
ಮಸಾಜ್ ಮಾಡುವುದು: ದೇಹದ ತಲೆ, ಮುಖ, ಕೈ ಮತ್ತು ಕಾಲುಗಳಿಗೆ ವೃತ್ತಾಕಾರದ ಚಲನೆಯಲ್ಲಿ ನಿಧಾನವಾಗಿ ಮಸಾಜ್ ಮಾಡಿ.
ಸ್ನಾನ ಮಾಡುವುದು: ಮಸಾಜ್ ಮಾಡಿದ ನಂತರ ಸುಮಾರು 15-20 ನಿಮಿಷಗಳ ಕಾಲ ಎಣ್ಣೆಯನ್ನು ಹೀರಿಕೊಳ್ಳಲು ಅವಕಾಶ ನೀಡಿ, ನಂತರ ಉಗುರು ಬೆಚ್ಚಗಿನ ನೀರಿನಿಂದ ಸ್ನಾನ ಮಾಡಿ. ತಲೆಗೆ ಎಣ್ಣೆ ಹಚ್ಚಿದ್ದರೆ, ಬಿಸಿನೀರಿನ ಬದಲಾಗಿ ಉಗುರು ಬೆಚ್ಚಗಿನ ಅಥವಾ ತಣ್ಣೀರಿನಲ್ಲಿ ಸ್ನಾನ ಮಾಡುವುದು ಒಳ್ಳೆಯದು ಎಂದು ಕೆಲವು ತಜ್ಞರು ಹೇಳುತ್ತಾರೆ .

ದೀಪಾವಳಿ ಬೆಳಕಿನ ಹಬ್ಬ. ಈ ಹಬ್ಬದಲ್ಲಿ ಅಭ್ಯಂಜನ ಸ್ನಾನಕ್ಕೆ ವಿಶೇಷ ಮಹತ್ವವಿದೆ. ತ್ರಯೋದಶಿಯ ದಿನದಂದು ನೀರು ತುಂಬುವ ಮೂಲಕ ಹಬ್ಬಕ್ಕೆ ಶುಭಾರಂಭ. ಅಂದು ನೀರಿನ ಪಾತ್ರೆ, ಹಂಡೆಗಳನ್ನು ಶುದ್ದಿ ಮಾಡಿ ಪೂಜಿಸಿ ಮುಂಜಾನೆ ಎಣ್ಣೆ ಹಚ್ಚಿಕೊಂಡು ಸ್ನಾನ ಮಾಡುವುದು ಪದ್ಧತಿ. ಕೃಷ್ಣಪಕ್ಷದ ನರಕಚತುರ್ದಶಿಯಂದು ಎಲ್ಲರೂ ಅಭ್ಯಂಗ ಸ್ನಾನ ಮಾಡಬೇಕು. ಈ ಶುಭಕರವಾದ ಅಭ್ಯಂಗ ಸ್ನಾನವನ್ನು ಸನ್ಯಾಸಿಗಳೂ ಸಹ ಮಾಡಬೇಕು. ಇದರಿಂದ ನಾರಾಯಣನಿಗೆ ಸಂತೋಷ ಉಂಟಾಗಿ ನರಕಭೀತಿ ನಿವಾರಣೆಯಾಗುತ್ತದೆ ಎನ್ನುತ್ತವೆ ಸ್ಕಂದ ಮತ್ತು ಪದ್ಮ ಪುರಾಣಗಳು.

ಆ ದಿನದಂದು ತೈಲದಲ್ಲಿ ಲಕ್ಷಿತ್ರ್ಮಯು ಮತ್ತು ಜಲದಲ್ಲಿ ಗಂಗೆಯು ನೆಲಸಿರುವಳೆಂಬ ನಂಬಿಕೆಯಿದೆ. ಆದ್ದರಿಂದ ಅಭ್ಯಂಗ ಸ್ನಾನ ಮಾಡುವುದರಿಂದ ದಾರಿದ್ರ್ಯ ದೂರವಾಗುವುದು ಮತ್ತು ಯಮಲೋಕದಿಂದ ಪಾರಾಗುವನು.

ಉಪಯೋಗ

ಎಣ್ಣೆ ಹಚ್ಚಿಕೊಂಡು ಸ್ನಾನ ಮಾಡುವುದು ಮೇಲ್ನೋಟಕ್ಕೆ ಸರಳವಾಗಿ ಕಂಡರೂ ಅದರ ಪ್ರಯೋಜನಗಳು ಹಲವಾರು. ವಿವಿಧ ಎಣ್ಣೆ ಹಚ್ಚಿಕೊಂಡು ನಿಧಾನವಾಗಿ ಮಾಂಸಪೇಶಿಗಳಿಗೆ ಅನುಗುಣವಾಗಿ ಸರಿಯಾದ ಒತ್ತಡ ಬಳಸಿ ನವಿರಾಗಿ ಮರ್ಧನ ಮಾಡುವುದೇ ಒಂದು ಕಲೆ. ಅದುವೇ ಅಭ್ಯಂಗ. ಈ ಕಲೆಯನ್ನು ಕಲಿತವರು, ಅನುಭವವುಳ್ಳವರು ಅಭ್ಯಂಗವನ್ನು ಮಾಂಸ ಮತ್ತು ನರಸಂಬಂಧಿ ರೋಗಗಳಿಗೆ ಉತ್ತಮ ಚಿಕಿತ್ಸೆಯಾಗಿ ಬಳಸುತ್ತಾರೆ. ಹಿಂದೆ ಪೈಲ್ವಾನರು, ಜಟ್ಟಿಗಳಿಗೆ ಈ ಕಲೆ ಕರಗತವಾಗಿತ್ತು.

ಅಭ್ಯಂಗ ಸ್ನಾನದಲ್ಲಿ ಎಣ್ಣೆಯನ್ನು ವಿಶೇಷವಾಗಿ ತಲೆ, ಕಿವಿ ಮತ್ತು ಪಾದಗಳಿಗೆ ಹೆಚ್ಚು ಹಚ್ಚಿ ಉಜ್ಜಬೇಕಾದ್ದು ಅತ್ಯಗತ್ಯವಾಗಿದೆ.
ನಿತ್ಯ ಅಭ್ಯಂಗ ಸ್ನಾನ ಮಾಡುವುದರಿಂದ ಅದರ ನೇರ ಪರಿಣಾಮ ಚಿಕಿತ್ಸಾ ರೂಪದಲ್ಲಿರುವುದು. ಶಾರೀರಿಕ ಸಮಸ್ಯೆಗಳಾದ ಮುಪ್ಪು ಮತ್ತು ಅಯಾಸವನ್ನು ದೂರಮಾಡುವುದು. ವಾತರೋಗಗಳು ಉಪಶಮನಗೊಳ್ಳುತ್ತವೆ.
ಅಂಗಾಲಿಗೆ ಎಣ್ಣೆಯನ್ನು ಹಚ್ಚಿ ಉಜ್ಜುವುದರಿಂದ
ಕಣ್ಣಿನ ದೃಷ್ಟಿಶಕ್ತಿ ಹೆಚ್ಚುತ್ತದೆ.
ಹಸಿವು ಹೆಚ್ಚುತ್ತದೆ.
ಪುಷ್ಟಿಯು ದೊರೆಯುತ್ತದೆ. ಶರೀರದ ಸ್ನಾಯುಗಳು ಸದೃಢವಾಗುತ್ತವೆ. ಅಂಗಾಂಗಗಳೂ ಪುಷ್ಟಿಯಾಗಿ ಶರೀರಕ್ಕೆ ಒಳ್ಳೆಯ ಆಕಾರ ಬರುತ್ತದೆ.

ಎಣ್ಣೆ ಹಚ್ಚಿಕೊಂಡು ಬಿಸಿನೀರಿನಲ್ಲಿಸ್ನಾನ ಮಾಡುವುದರಿಂದ ಸುಖವಾಗಿ ನಿದ್ರೆ ಬರುವುದು, ಚರ್ಮವು ದೃಢವಾಗಿ ಕಾಂತಿಯುತವಾಗುತ್ತದೆ.
ಮಸಾಜ್‌ ಮಾಡುವುದರಿಂದ ದೇಹದ ಉಷ್ಣತೆ ಹೆಚ್ಚುವುದು. ಇದರಿಂದ ರಕ್ತಸಂಚಾರ ಹೆಚ್ಚುವುದಲ್ಲದೆ ಅಂಗಾಂಗಗಳು ಉತ್ತಮವಾಗಿ ಕಾರ್ಯ ನಿರ್ವಹಿಸುತ್ತವೆ.
ಮಾಂಸದ ಬಲವನ್ನು ಹೆಚ್ಚಿಸುವುದು, ದೇಹದಲ್ಲಿನ ಟಾಕ್ಸಿನ್‌ ಅನ್ನು ಹೊರಹಾಕುತ್ತದೆ.
ಅಂಗೈ ಮತ್ತು ಅಂಗಾಲಿನಲ್ಲಿನಮ್ಮ ದೇಹವನ್ನು ನಿಯಂತ್ರಿಸುವ ಸೂಕ್ಷತ್ರ್ಮ ಕೇಂದ್ರಗಳಿವೆ. ಮಸಾಜ್‌ ಮಾಡುವುದರಿಂದ ಹಾರ್ಮೋನುಗಳು ಸ್ರವಿಸಿ ಮನಸ್ಸಿನ ಉಲ್ಲಾಸದಿಂದಿರಲು ಸಹಾಯಮಾಡುತ್ತದೆ.
ಹೊಟ್ಟೆಗೆ ಮಸಾಜ್‌ ಮಾಡುವುದರಿಂದ ಯಕೃತ್‌ ಮತ್ತು ಪ್ಲೀಹಗಳು ಉತ್ತಮವಾಗಿ ಕಾರ್ಯನಿರ್ವಹಿಸುತ್ತವೆ ಹಾಗೂ ಜೀರ್ಣಶಕ್ತಿ ಹೆಚ್ಚುತ್ತದೆ.
ನಿತ್ಯ ಮಸಾಜ್‌ ಮಾಡುವುದರಿಂದ ಸ್ಟೆರ್ಚ್ ಮಾರ್ಕ್ಗಳು ಮಾಯವಾಗುತ್ತವೆ. ಆದರೆ ಕಫ ಹೆಚ್ಚಿರುವ ಸಂದರ್ಭದಲ್ಲಿ ಅಥವಾ ಅಜೀರ್ಣ ರೋಗಿಗಳಿಗೆ ಮಸಾಜ್‌ ಮಾಡಬಾರದು.

-ಡಾ.ಮಾಲತಿ ಪೈ