ಸಾಹಿತ್ಯ ಸಂಗೀತ ಸಭಾದ ವತಿಯಿಂದ ೩೪ನೇ ಕಾರ್ಕಳ ಸಂಗೀತ ಮಹೋತ್ಸವ – 2026

ಸಾಹಿತ್ಯ ಸಂಗೀತ ಸಭಾದ ವತಿಯಿಂದ ೩೪ನೇ ಕಾರ್ಕಳ ಸಂಗೀತ ಮಹೋತ್ಸವ – 2026

ಕಾರ್ಕಳ: ೧೯೯೨ರಲ್ಲಿ ಸ್ಥಾಪಿತವಾದ ಸಾಹಿತ್ಯ ಸಂಗೀತ ಸಭಾದ ಸಂಸ್ಥೆಯು, ಬಿ.ಮಂಜುನಾಥ ಪೈ ಕಲ್ಚರ್‌ ಪೌಂಡೇಶನ್ ಸಹಯೋಗದಲ್ಲಿ, ೨೭ ಫೆಬ್ರವರಿಯಿಂದ ೧ ಮಾರ್ಚ್ ೨೦೨೬ರವರೆಗೆ ಪ್ರತಿದಿನ ಸಂಜೆ ೪.೩೦ರಿಂದ ೯.೦೦ರವರೆಗೆ, ಶ್ರೀ ಬಿ. ಮಂಜುನಾಥ ಪೈ ಸಾಂಸ್ಕೃತಿಕ ಸಭಾಂಗಣ, ಕಾರ್ಕಳದಲ್ಲಿ ೩೪ನೇ ಕಾರ್ಕಳ ಸಂಗೀತ ಮಹೋತ್ಸವ – ೨೦೨೬ ಅನ್ನು ಆಯೋಜಿಸಿದೆ.

ಈ ಮಹೋತ್ಸವವು ಸಂಗೀತ ಗುರು ವಿದ್ವಾನ್ ಬಿ. ಯೋಗೀಶ್ ಬಾಳಿಗ ಸ್ಮಾರಕ ಯುವ ಸಂಗೀತೋತ್ಸವ – ಕಲಾಸಾಧನಾ ಸಮಾರಂಭದೊಂದಿಗೆ ಜರುಗಲಿದೆ.

ಜೀವಮಾನ ಸಾಧನೆ ಪ್ರಶಸ್ತಿ
ಈ ವರ್ಷದ ಮಹೋತ್ಸವದ ವಿಶೇಷ ಆಕರ್ಷಣೆಯಾಗಿ ಗ್ರಾಮಿ ಪ್ರಶಸ್ತಿ ವಿಜೇತರು ಹಾಗೂ ಪದ್ಮಭೂಷಣ ಪುರಸ್ಕೃತರಾದ ಮೋಹನ್ ವೀಣಾ ಮಹರ್ಷಿ Pandit Vishwamohan Bhatt ಅವರಿಗೆ ಅವರ ೭೫ನೇ ಜನ್ಮವರ್ಷದ ಅಂಗವಾಗಿ ಜೀವಮಾನ ಸಾಧನೆ ಪ್ರಶಸ್ತಿ ಪ್ರದಾನ ಮಾಡಲಾಗುತ್ತಿದೆ.

ಭಾರತೀಯ ಶಾಸ್ತ್ರೀಯ ಸಂಗೀತವನ್ನು ಜಾಗತಿಕ ವೇದಿಕೆಗೆ ಕೊಂಡೊಯ್ದ ಅವರ ಸಾಧನೆ ಅನನ್ಯವಾಗಿದೆ.
ಮಹೋತ್ಸವದ ಉದ್ಘಾಟನೆಯನ್ನು ಶ್ರೀ ಕೆ. ಜಯರಾಮ ಪ್ರಭು, ಮುಖ್ಯ ವ್ಯವಸ್ಥಾಪಕ ಟ್ರಸ್ಟಿ, ಶ್ರೀ ವೆಂಕಟರಮಣ ದೇವಸ್ಥಾನ, ಕಾರ್ಕಳ ಅವರು ದೀಪ ಪ್ರಜ್ವಲನೆಯ ಮೂಲಕ ನೆರವೇರಿಸಲಿದ್ದಾರೆ.

ಮುಖ್ಯ ಅತಿಥಿಗಳು
Mysore Manjunath – ಖ್ಯಾತ ವೈಯಲಿನ್ ವಿದ್ವಾಂಸ
Pravin Godkhindi – ಪ್ರಸಿದ್ಧ ಬಾಸುರಿ ವಿದ್ವಾಂಸ
Ganesh Karnik – ಮಾಜಿ ಎಂ.ಎಲ್.ಸಿ., ಮಂಗಳೂರು
ಡಾ. ಸುಧಾಕರ ಶೆಟ್ಟಿ – ಅಧ್ಯಕ್ಷರು, ಅಜೆಕಾರ ಪದ್ಮಗೋಪಾಲ್ ಶಿಕ್ಷಣ ಟ್ರಸ್ಟ್
ಅಧ್ಯಕ್ಷತೆಯನ್ನು ಭರತ್ ಬೀಡಿ ವರ್ಕ್ಸ್, ಮಂಗಳೂರು ಸಂಸ್ಥೆಯ ಕಾರ್ಯನಿರ್ವಾಹಕ ನಿರ್ದೇಶಕರಾದ ಬಿ. ಸುಬ್ರಾಯ ಎಂ. ಪೈ ಅವರು ವಹಿಸಲಿದ್ದಾರೆ.

ಪ್ರಮುಖ ಕಾರ್ಯಕ್ರಮಗಳು
ಫೆಬ್ರವರಿ ೨೭ – ಶುಕ್ರವಾರ
ಹಿಂದೂಸ್ತಾನಿ ಗಾಯನ – ನೀಹಾರಿಕಾ ದೇರಜೆ
ತಬಲಾ: ರೂಪಕ್ ವೈದ್ಯ
ಹಾರ್ಮೋನಿಯಂ: ಅಜಯ ಹೆಗ್ಡೆ
ಉದ್ಘಾಟನೆ ಮತ್ತು ಜೀವಮಾನ ಸಾಧನೆ ಪ್ರಶಸ್ತಿ ಪ್ರದಾನ

ಸಂಜೆ ೭.೦೦ – ೯.೦೦
“ತ್ರಿವೇಣಿ ಸಂಗಮ” – ಮೆಗಾ ವಾದ್ಯ ತ್ರಯ ಕಚೇರಿ
Pandit Vishwamohan Bhatt – ಮೋಹನ್ ವೀಣಾ
Mysore Manjunath – ವೈಯಲಿನ್
Pravin Godkhindi – ಬಾಸುರಿ
ಸಹವಾದ್ಯಗಾರರು:
ಪಂ. ಹಿಮಾಂಶು ಮಹಂತ್ – ತಬಲಾ
ಡಾ. ಪಾತ್ರಿ ಸತೀಶ್ ಕುಮಾರ್ – ಮೃದಂಗ

ಫೆಬ್ರವರಿ ೨೮ – ಶನಿವಾರ
ವಿದ್ವಾನ್ ವೆಂಕಟೇಶ್ ಚಿಪ್ಳುಣ್ಕರ್ ಅವರ ಶಿಷ್ಯರಿಂದ ಕರ್ನಾಟಕ ಸಂಗೀತ
ಚಿಲ್ಕುಂಡ ಸಹೋದರಿಯರ ಗಾಯನ
ವೈಯಲಿನ್: ವಿದ್ವಾನ್ ದೆಹಲಿ ಶ್ರೀಧರ್
ಮೃದಂಗ: ವಿದ್ವಾನ್ ನಿಕ್ಷಿತ್ ಪುತ್ತೂರು
ಮೋರ್ಚಿಂಗ್: ವಿದ್ವಾನ್ ರಾಜಶೇಖರ್
ಕಾಶಿಯ ಮಿಶ್ರಾ ಬ್ರದರ್ಸ್ ಅವರ ಹಿಂದೂಸ್ತಾನಿ ವಾದ್ಯ ಜುಗಲ್‌ಬಂದಿ

ಮಾರ್ಚ್ ೧ – ಭಾನುವಾರ
ಶ್ರೀಮತಿ ಶ್ವೇತಾ ವಿ. ನಾಯಕ್ ಅವರ ಶಿಷ್ಯರಿಂದ ಹಿಂದೂಸ್ತಾನಿ ಸಂಗೀತ
ಪಂ. ಉದಯ್ ಮಲ್ಲಿಕ್ ಅವರಿಂದ ಧ್ರುಪದ್ ಮತ್ತು ಖಯಾಲ್ ಗಾಯನ
“ಗಾನ ವೀಣಾ” ಹಿಂದೂಸ್ತಾನಿ–ಕರ್ನಾಟಕ ಜುಗಲ್‌ಬಂದಿ

ಸಂಗೀತ ಸಂಭ್ರಮ
ಹಿಂದೂಸ್ತಾನಿ ಮತ್ತು ಕರ್ನಾಟಕ ಶಾಸ್ತ್ರೀಯ ಸಂಗೀತ ಪರಂಪರೆಗಳ ಸೊಬಗು, ಖ್ಯಾತ ವಿದ್ವಾಂಸರು ಹಾಗೂ ಉದಯೋನ್ಮುಖ ಪ್ರತಿಭೆಗಳ ಸಂಗಮ – ಕಾರ್ಕಳವನ್ನು ರಾಷ್ಟ್ರೀಯ ಸಂಗೀತ ನಕ್ಷೆಯಲ್ಲಿ ಮತ್ತೊಮ್ಮೆ ಹೊಳಪುಗೊಳಿಸಲು ಸಜ್ಜಾಗಿದೆ.

ಸಂಗೀತಾಭಿಮಾನಿಗಳು ಹೆಚ್ಚಿನ ಸಂಖ್ಯೆಯಲ್ಲಿ ಆಗಮಿಸಿ ಈ ಮಹೋತ್ಸವವನ್ನು ಯಶಸ್ವಿಗೊಳಿಸುವಂತೆ ಅಧ್ಯಕ್ಷ ಎಸ್. ನಿತ್ಯಾನಂದ ಪೈ, ಕಾರ್ಯದರ್ಶಿ ಡಾ. ಪ್ರಕಾಶ್ ಶೆಣೈ ಕೆ. ಮನವಿ ಮಾಡಿದ್ದಾರೆ.