ವಾರಭವಿಷ್ಯ 11.10.2026 ರಿಂದ 17.10.2026 ರವರೆಗೆ
ವಿಶೇಷ ದಿನಗಳು
ಅಕ್ಟೋಬರ್ 11: ನವರಾತ್ರಿ ಆರಂಭ
ಅಕ್ಟೋಬರ್ 15: ವಿಶೇಷ ದಿನ
ಅಕ್ಟೋಬರ್ 16: ಶಾರದಾ ಪೂಜಾರಂಭ
ಅಕ್ಟೋಬರ್ 17: ತುಲಾ ಸಂಕ್ರಮಣ, ತಲಕಾವೇರಿ ತೀರ್ಥೋದ್ಭವ
ಮೇಷ: ಈ ವಾರ ನಿಮಗೆ ಉತ್ತಮ ಸಮಯವಾಗಿದ್ದು, ಕಾರ್ಯಕ್ಷೇತ್ರದಲ್ಲಿ ನಿಮ್ಮ ದುಡಿಮೆಗೆ ತಕ್ಕ ಪ್ರತಿಫಲ ದೊರೆಯಲಿದೆ. ಆದರೆ ಕೌಟುಂಬಿಕ ವಿಚಾರಗಳಲ್ಲಿ ಕುಜ ಗ್ರಹದ ಪ್ರಭಾವದಿಂದ ನಿರಾಶೆ ಉಂಟಾಗುವ ಸಾಧ್ಯತೆ ಇದೆ. ಆರೋಗ್ಯದ ದೃಷ್ಟಿಯಿಂದ ಅತಿಯಾದ ಉಷ್ಣ ಆಹಾರದಿಂದ ದೂರವಿರುವುದು ಉತ್ತಮ. ತಾಯಿಯವರೊಂದಿಗೆ ದ್ವೇಷ ಅಥವಾ ಮನಸ್ತಾಪ ಬೆಳೆಸಿಕೊಳ್ಳದಿರಿ. ಶನಿ ಮತ್ತು ರಾಹುವಿನ ಪ್ರಭಾವದಿಂದ ವ್ಯಾಪಾರ ವ್ಯವಹಾರಗಳಲ್ಲಿ ಎಚ್ಚರಿಕೆ ಅಗತ್ಯ. ನಿರುದ್ಯೋಗಿಗಳು ಸದ್ಯಕ್ಕೆ ದೊರೆಯುವ ತಾತ್ಕಾಲಿಕ ಅವಕಾಶಗಳನ್ನು ಸ್ವೀಕರಿಸಿ ಮುಂದುವರಿಯುವುದು ಒಳಿತು. ಸಾಡೇಸಾತ್ ಶನಿ ಪರಿಹಾರಕ್ಕಾಗಿ ವಿಷ್ಣು ಸಹಸ್ರನಾಮ ಪಾರಾಯಣ ಮಾಡುವುದು ಶುಭಕರ.
ವೃಷಭ: ವ್ಯಾಪಾರ ಮತ್ತು ವ್ಯವಹಾರಗಳಲ್ಲಿ ಅಭಿವೃದ್ಧಿ ಕಂಡುಬಂದು ಮುನ್ನಡೆ ಸಾಧಿಸುವಿರಿ. ಆದರೂ ಯಾವುದೇ ವಿಚಾರದಲ್ಲೂ ಬೇಜವಾಬ್ದಾರಿಯಿಂದ ವರ್ತಿಸದಂತೆ ಗುರು ಮತ್ತು ಕುಜ ಗ್ರಹಗಳು ಸೂಚಿಸುತ್ತವೆ. ಅವಿವಾಹಿತ ಕನ್ಯೆಯರಿಗೆ ಅನಿರೀಕ್ಷಿತವಾಗಿ ವಿವಾಹ ಸಂಬಂಧಗಳು ಕೂಡಿ ಬರುವ ಸಾಧ್ಯತೆ ಇದೆ. ವೃತ್ತಿರಂಗದಲ್ಲಿ ಶನಿ ಮತ್ತು ರಾಹುವಿನ ಪ್ರಭಾವದಿಂದ ನಾನಾ ರೀತಿಯ ಮಾತುಗಳು ಹಾಗೂ ಗಾಸಿಪ್‌ಗಳು ಕೇಳಿಬರಬಹುದು. ಹೀಗಾಗಿ ಪ್ರಾಮಾಣಿಕತೆ ಮತ್ತು ತಾಳ್ಮೆಯಿಂದ ಮುಂದುವರಿಯುವುದು ಅಗತ್ಯ. ನಿಮ್ಮ ನಡೆ-ನುಡಿಯಲ್ಲಿ ಕೆಲವು ವಿರೋಧಾತ್ಮಕ ಬದಲಾವಣೆಗಳು ಕಂಡುಬರುವ ಸಾಧ್ಯತೆ ಇರುವುದರಿಂದ ಆತುರದ ನಿರ್ಧಾರಗಳಿಂದ ದೂರವಿರಿ.
ಮಿಥುನ: ಉತ್ತಮ ದೈವಾನುಕೂಲವಿರುವ ವಾರ ಇದಾಗಿದೆ. ಕುಟುಂಬದಲ್ಲಿ ಸುಖ, ಸಂತೋಷ ನೆಲೆಸಲಿದೆ. ಆದರೆ ಕೆಲವೊಮ್ಮೆ ಯಾರನ್ನೂ ಸುಲಭವಾಗಿ ನಂಬಲಾಗದಂತಹ ಪರಿಸ್ಥಿತಿ ಎದುರಾಗಬಹುದು. ಹೃದಯ ಸಂಬಂಧಿ ಸಮಸ್ಯೆ ಇರುವವರು ಆರೋಗ್ಯದ ಬಗ್ಗೆ ವಿಶೇಷ ಕಾಳಜಿ ವಹಿಸಿ ವೈದ್ಯರ ಸಲಹೆ ಪಡೆಯುವುದು ಉತ್ತಮ. ಮದ್ಯಪಾನ ಮಾಡುವವರು ಅದನ್ನು ತ್ಯಜಿಸುವುದು ಆರೋಗ್ಯದ ದೃಷ್ಟಿಯಿಂದ ಒಳಿತು. ಉದ್ಯೋಗ ಕ್ಷೇತ್ರದಲ್ಲಿ ಏರಿಳಿತಗಳು ಕಂಡುಬರಬಹುದು. ಅವಿವಾಹಿತರಿಗೆ ಉತ್ತಮ ವಿವಾಹ ಸಂಬಂಧಗಳು ಕೂಡಿ ಬರಲಿವೆ. ಆರ್ಥಿಕವಾಗಿ ನಿಧಾನವಾಗಿ ಚೇತರಿಕೆ ಕಂಡುಬರಲಿದೆ. ಹಿರಿಯರ ಬಗ್ಗೆ ಹೆಚ್ಚಿನ ಕಾಳಜಿ ವಹಿಸಿ.
ಕರ್ಕಾಟಕ: ಗುರು ಮತ್ತು ಕುಜ ಗ್ರಹಗಳು ಸದ್ಯ ಮಿಶ್ರಫಲ ನೀಡುತ್ತಿರುವುದರಿಂದ ಆತ್ಮವಿಶ್ವಾಸ ಮತ್ತು ಪ್ರಯತ್ನಬಲದಿಂದ ಮುಂದುವರಿದರೆ ಕಾರ್ಯಕ್ಷೇತ್ರದಲ್ಲಿ ಅಭಿವೃದ್ಧಿ ಕಂಡುಬರಲಿದೆ. ಸಾಮಾಜಿಕವಾಗಿ ನಿಮ್ಮ ಪ್ರತಿಭೆಗೆ ಸ್ಥಾನಮಾನ ಮತ್ತು ಗೌರವ ದೊರೆಯುವ ಸಾಧ್ಯತೆ ಇದೆ. ಸಂಗಾತಿಯೊಂದಿಗೆ ಉತ್ತಮ ಹೊಂದಾಣಿಕೆ ಕಾಯ್ದುಕೊಳ್ಳುವುದು ಅತ್ಯಂತ ಅಗತ್ಯ. ಮನೆ, ವಾಹನ ಅಥವಾ ಭೂಮಿ ಖರೀದಿಸುವ ಯೋಗ ಕಂಡುಬರುತ್ತಿದೆ. ರಾಜಕೀಯ ಕ್ಷೇತ್ರದಲ್ಲಿರುವ ಗಣ್ಯರಿಗೆ ಉತ್ತಮ ಅವಕಾಶಗಳು ದೊರೆಯುವ ಸಾಧ್ಯತೆ ಇದೆ. ಯಾವುದೇ ಕೆಲಸದಲ್ಲೂ ಆತುರಕ್ಕಿಂತ ವಿವೇಕಕ್ಕೆ ಆದ್ಯತೆ ನೀಡಿ.
ಸಿಂಹ:ವ್ಯವಹಾರ ಮತ್ತು ಉದ್ಯೋಗ ಕ್ಷೇತ್ರದಲ್ಲಿ ಉತ್ತಮ ಅವಕಾಶಗಳು ದೊರೆಯಲಿವೆ. ನಿಮ್ಮ ಸುತ್ತಮುತ್ತಲಿನ ಪರಿಸ್ಥಿತಿಗಳು ಬಹುತೇಕ ನಿಮ್ಮ ಅನುಕೂಲಕ್ಕೆ ಹೊಂದಿಕೊಳ್ಳಲಿವೆ. ನಿಮ್ಮ ಸ್ವಾಭಿಮಾನಕ್ಕೆ ಧಕ್ಕೆಯಾಗದ ರೀತಿಯಲ್ಲಿ ಪರಿಸ್ಥಿತಿಗಳನ್ನು ನಿಭಾಯಿಸುವಿರಿ. ಸಂಗಾತಿಯೊಂದಿಗೆ ಹೊಂದಾಣಿಕೆಯಿಂದ ಮುಂದುವರಿಯಿರಿ. ಹಣಕಾಸಿನ ವಿಚಾರದಲ್ಲಿ ಎಷ್ಟೇ ಜಾಗ್ರತೆ ವಹಿಸಿದರೂ ಅನಿರೀಕ್ಷಿತ ಖರ್ಚುಗಳು ಎದುರಾಗಬಹುದು. ಹಳೆಯ ಸಂಬಂಧಗಳು ಮತ್ತೆ ನಿಮ್ಮ ಜೀವನದಲ್ಲಿ ಪ್ರವೇಶಿಸುವ ಸಾಧ್ಯತೆ ಇದೆ. ಕೆಲವು ವ್ಯವಹಾರಗಳು ಹಿನ್ನಡೆ ಅನುಭವಿಸಿ ಆತಂಕಕ್ಕೆ ಕಾರಣವಾಗಬಹುದು. ಯಾವುದೇ ನಿರ್ಧಾರಕ್ಕೂ ಮುನ್ನ ಪೂರ್ವಾಪರ ಪರಿಶೀಲನೆ ನಡೆಸಿ.
ಕನ್ಯಾ:ಸಂಗಾತಿಯೊಂದಿಗೆ ಶೀತಲ ಸಮರದಂತಹ ಪರಿಸ್ಥಿತಿ ಉಂಟಾಗಬಹುದು. ಭೂಮಿ ಅಥವಾ ಆಸ್ತಿ ವಿಚಾರವಾಗಿ ಮಾತಿನ ಚಕಮಕಿ ನಡೆಯುವ ಸಾಧ್ಯತೆ ಇದೆ. ಹೊರಗಿನ ವ್ಯಕ್ತಿಗಳ ಹಸ್ತಕ್ಷೇಪದಿಂದ ಕೌಟುಂಬಿಕ ವಿಚಾರಗಳಲ್ಲಿ ಮನಸ್ತಾಪ ಉಂಟಾಗದಂತೆ ಎಚ್ಚರ ವಹಿಸಿ. ಅನಗತ್ಯ ಜಗಳಗಳಿಂದ ಮುಜುಗರದ ಸನ್ನಿವೇಶ ಎದುರಾಗಬಹುದು. ಕರ್ತವ್ಯ ನಿರ್ವಹಣೆಯಲ್ಲಿ ಹೆಚ್ಚಿನ ಜಾಗರೂಕತೆ ಅಗತ್ಯ. ಸರಿಯಾದ ವ್ಯಕ್ತಿಗಳ ಮಾರ್ಗದರ್ಶನ ನಿಮಗೆ ಬಹಳ ಅಗತ್ಯವಾಗಲಿದೆ. ಯಾವುದೇ ವಿವಾದದಲ್ಲಿ ಸಿಲುಕಿಕೊಳ್ಳದಂತೆ ದೂರವಿರುವುದು ಒಳಿತು. ತಾಳ್ಮೆ ಮತ್ತು ವಿವೇಕದಿಂದ ವರ್ತಿಸಿದರೆ ಸಮಸ್ಯೆಗಳನ್ನು ಸುಲಭವಾಗಿ ನಿಭಾಯಿಸಬಹುದು.
ತುಲಾ: ರವಿ ಗ್ರಹದ ಪ್ರಭಾವದಿಂದ ಎಷ್ಟೇ ಆದಾಯ ಬಂದರೂ ಖರ್ಚು ಅಧಿಕವಾಗುವ ಸಾಧ್ಯತೆ ಇದೆ. ವಿದೇಶ ಪ್ರಯಾಣದ ಸೂಚನೆ ಕಂಡುಬರುತ್ತಿದೆ. ವಿದ್ಯಾರ್ಥಿಗಳು ಉತ್ತಮ ಯಶಸ್ಸು ಸಾಧಿಸಲಿದ್ದಾರೆ. ನೃತ್ಯ, ಸಂಗೀತ ಮತ್ತು ಹೋಟೆಲ್ ಉದ್ಯಮದಲ್ಲಿ ಇರುವವರಿಗೆ ಇದು ಶುಭ ವಾರ. ಮಕ್ಕಳ ವಿಚಾರದಲ್ಲಿ ಸದಾ ಒಂದಲ್ಲೊಂದು ಚಿಂತೆ ಕಾಡಬಹುದು. ವೃತ್ತಿರಂಗದಲ್ಲಿ ಸಣ್ಣಪುಟ್ಟ ಸಮಸ್ಯೆಗಳು ಮುಂದುವರಿಯಬಹುದು. ನಿಮ್ಮವರೇ ಕೆಲವೊಂದು ಸಂದರ್ಭಗಳಲ್ಲಿ ಸಮಸ್ಯೆಗೆ ಕಾರಣರಾಗುವ ಸಾಧ್ಯತೆ ಇದೆ. ವಿವಾಹದ ಯೋಚನೆಯಲ್ಲಿರುವವರು ಅಕ್ಟೋಬರ್ 30ರ ನಂತರ ಮುಂದುವರಿಯುವುದು ಉತ್ತಮ.
ವೃಶ್ಚಿಕ: ಜನವರಿ 1ರವರೆಗೆ ಸಂಗಾತಿಯೊಂದಿಗೆ ಸಣ್ಣಪುಟ್ಟ ಸಮಸ್ಯೆಗಳು ಎದುರಾಗುತ್ತಲೇ ಇರಬಹುದು. ರಾಜಕೀಯ ಕ್ಷೇತ್ರದಲ್ಲಿರುವವರಿಗೆ ಉತ್ತಮ ವಾರವಾಗಿದ್ದು, ಸಂಕ್ರಮಣದವರೆಗೆ ಶುಭ ಸುದ್ದಿಗಳನ್ನು ಕೇಳುವ ಸಾಧ್ಯತೆ ಇದೆ. ಅಕ್ಟೋಬರ್ ತಿಂಗಳವರೆಗೆ ಗುರುವಿನ ಅನುಗ್ರಹ ಉತ್ತಮವಾಗಿರಲಿದೆ. ಮಕ್ಕಳ ವಿಚಾರದಲ್ಲಿ ಕೆಲವೊಂದು ಕಿರಿಕಿರಿಗಳು ಎದುರಾಗಬಹುದು. ತಾಯಿಯವರ ಆರೋಗ್ಯದ ಬಗ್ಗೆ ಕಾಳಜಿ ವಹಿಸಿ. ನಿಮಗೂ ಅಲರ್ಜಿ ಅಥವಾ ಆಹಾರ ಸಂಬಂಧಿತ ಸಮಸ್ಯೆಗಳು ಕಾಡುವ ಸಾಧ್ಯತೆ ಇರುವುದರಿಂದ ಆಹಾರದಲ್ಲಿ ವ್ಯತ್ಯಾಸವಾಗದಂತೆ ಎಚ್ಚರ ವಹಿಸಿ.
ಧನು:ಅಕ್ಟೋಬರ್ 31ರವರೆಗೆ ಗುರುವಿನ ಅನುಗ್ರಹದಲ್ಲಿ ಸ್ವಲ್ಪ ಕೊರತೆ ಕಂಡುಬರಬಹುದು. ವಿಷ್ಣು ಸಹಸ್ರನಾಮ ಪಾರಾಯಣ ಮಾಡುವುದು ಶುಭಕರ. ಸಂಗಾತಿಯೊಂದಿಗೆ ಕಲಹ ಅಥವಾ ಬೇಸರ ಉಂಟಾಗದಂತೆ ಮಾತಿನ ಮೇಲೆ ಹಿಡಿತವಿರಲಿ. ಆರೋಗ್ಯದ ಕಡೆಗೆ ಹೆಚ್ಚಿನ ಗಮನ ನೀಡಿ. ಕೋರ್ಟ್ ಅಥವಾ ಪೊಲೀಸ್ ಠಾಣೆಗೆ ಸಂಬಂಧಿಸಿದ ವಿಚಾರಗಳಲ್ಲಿ ಸಿಲುಕಿಕೊಳ್ಳುವ ಸಾಧ್ಯತೆ ಇರುವುದರಿಂದ ಎಚ್ಚರಿಕೆ ಅಗತ್ಯ. ಅನ್ಯ ವ್ಯಕ್ತಿಗಳೊಂದಿಗೆ, ವಿಶೇಷವಾಗಿ ಸಂಬಂಧಗಳ ವಿಚಾರದಲ್ಲಿ ಜಾಗರೂಕರಾಗಿರಿ. ನವರಾತ್ರಿ ಸಂದರ್ಭದಲ್ಲಿ ದೇವಿಗೆ ಬಾಗಿನ ಅರ್ಪಿಸುವುದು ಶುಭಕರ. ನರ ಮತ್ತು ಎಲುಬು ನೋವಿನ ಬಗ್ಗೆ ಎಚ್ಚರವಿರಲಿ. ವಾಹನ ಸಂಚಾರದಲ್ಲಿ ಹೆಚ್ಚಿನ ಜಾಗರೂಕತೆ ವಹಿಸಿ. ಮೃತ್ಯುಂಜಯ ಜಪ ಪಾರಾಯಣ ಮಾಡುವುದು ಉತ್ತಮ.
ಮಕರ :ಕುಜ ಮತ್ತು ಗುರು ಗ್ರಹಗಳ ಪ್ರಭಾವದಿಂದ ಮನೆಯಲ್ಲಿ ಹಾಗೂ ಸಂಗಾತಿಯೊಂದಿಗೆ ಸಣ್ಣಪುಟ್ಟ ಕಿರಿಕಿರಿಗಳು ಉಂಟಾಗಬಹುದು. ನಿಮ್ಮ ವ್ಯವಹಾರ ಕ್ಷೇತ್ರದಲ್ಲಿರುವ ಸುಪ್ತ ಬಯಕೆಗಳು ಹಂತಹಂತವಾಗಿ ಈಡೇರುವ ಸಾಧ್ಯತೆ ಇದೆ. ಸಹೋದರನ ನಿಶ್ಚಯವಾಗಿರುವ ವಿವಾಹ ಮುಂದೂಡುವ ಪರಿಸ್ಥಿತಿ ಎದುರಾಗಬಹುದು. ಏರುತ್ತಿರುವ ಜೀವನ ವೆಚ್ಚ ಆರ್ಥಿಕವಾಗಿ ಆತಂಕಕ್ಕೆ ಕಾರಣವಾದರೂ, ಬರುತ್ತಿರುವ ಧನ ಆದಾಯ ಮನಸ್ಸಿಗೆ ಧೈರ್ಯ ನೀಡಲಿದೆ. ನಿಮ್ಮ ಜೀವನದ ತಳಪಾಯ ಮತ್ತಷ್ಟು ಭದ್ರವಾಗಲಿದೆ. ರಾಜಕೀಯ ಕ್ಷೇತ್ರದಲ್ಲಿರುವವರಿಗೆ ಸಮಾಜದಲ್ಲಿ ಗುರುತಿಸಿಕೊಳ್ಳುವ ಹಾಗೂ ಮಿಂಚುವ ಅವಕಾಶಗಳು ದೊರೆಯಬಹುದು.
ಕುಂಭ : ಸಾಡೇಸಾತ್ ಶನಿ ದೋಷ ಪರಿಹಾರಕ್ಕಾಗಿ ವಿಷ್ಣು ಸಹಸ್ರನಾಮ ಪಾರಾಯಣ ಮಾಡುವುದು ಉತ್ತಮ. ನಿಮ್ಮ ಜೀವನ ನಿಧಾನವಾಗಿ ಪ್ರಗತಿಯ ಪಥದಲ್ಲಿ ಸಾಗುತ್ತಿದೆ. ಅನಗತ್ಯ ಚಿಂತೆ ಬೇಡ. ಅಕ್ಟೋಬರ್ 31ರ ನಂತರ ಗುರುವಿನ ಅನುಗ್ರಹದಿಂದ ಮತ್ತಷ್ಟು ಅನುಕೂಲಕರ ಫಲಗಳು ದೊರೆಯಲಿವೆ. ದಾನ ಧರ್ಮದಲ್ಲಿ ತೊಡಗಿಸಿಕೊಳ್ಳುವುದರಿಂದ ದೈವಾನುಗ್ರಹ ದೊರೆಯಲಿದೆ. ಶನಿಯ ಪ್ರಭಾವದಿಂದ ಕೋಪ ಹೆಚ್ಚಾಗುವ ಸಾಧ್ಯತೆ ಇರುವುದರಿಂದ ಮಾತಿನ ಮೇಲೆ ಹಿಡಿತವಿರಲಿ. ಸಾಲ ನೀಡುವ ವಿಚಾರದಲ್ಲಿ ಎಚ್ಚರಿಕೆ ವಹಿಸಿ.
ಮೀನ: ಸಾಡೇಸಾತ್ ಶನಿಯ ಪ್ರಭಾವ ಸಂಗಾತಿಯ ಮೇಲೂ ಪರಿಣಾಮ ಬೀರುವ ಸಾಧ್ಯತೆ ಇದೆ. ಸಣ್ಣಪುಟ್ಟ ಕಾರಣಗಳನ್ನು ಹಿಡಿದುಕೊಂಡು ಕಲಹ ಉಂಟಾಗದಂತೆ ಎಚ್ಚರ ವಹಿಸಿ. ಅವಿವಾಹಿತರು ಸಂಬಂಧಗಳ ವಿಚಾರದಲ್ಲಿ ಜಾಗರೂಕರಾಗಿರಬೇಕು. ಮಹಿಳೆ ಅಥವಾ ಪುರುಷರಿಂದ ಮೋಸ ಹೋಗುವ ಸಾಧ್ಯತೆ ಇರುವುದರಿಂದ ಅಪರಿಚಿತರನ್ನು ಸುಲಭವಾಗಿ ನಂಬದಿರಿ. ತುಲಾ ಸಂಕ್ರಮಣದವರೆಗೆ ಹೆಚ್ಚಿನ ಎಚ್ಚರಿಕೆ ಅಗತ್ಯ. ನೀರಿನ ಸಮೀಪ ತೆರಳುವಾಗ ಜಾಗರೂಕರಾಗಿರಿ. ವ್ಯಾಪಾರ ಮತ್ತು ವ್ಯವಹಾರಗಳಲ್ಲಿ ಲಾಭದಾಯಕ ಆದಾಯದ ಜೊತೆಗೆ ಗೌರವವೂ ದೊರೆಯಲಿದೆ. ನಾಗದೇವರ ಪ್ರಾರ್ಥನೆ ಮಾಡುವುದು ಶುಭಕರ.
