ಬಿಜೆಪಿ ಹಿಡಿತಕ್ಕೆಮೂಡುಬಿದಿರೆ ಪುರಸಭೆ
ಮೂಡುಬಿದಿರೆ ಪುರಸಭೆಯ ಅಧ್ಯಕ್ಷ ಹಾಗೂ ಉಪಾಧ್ಯಕ್ಷರಾಗಿ ಆಯ್ಕೆಯಾದ ಜಯಶ್ರೀ ಹಾಗೂ ನಾಗರಾಜ್ ಪೂಜಾರಿ ಅವರನ್ನು ಸ್ಥಳೀಯ ಸಂಸದ ಬ್ರಿಜೇಶ್ ಚೌಟ, ಶಾಸಕ ಉಮಾನಾಥ ಕೋಟ್ಯಾನ್ ಹಾಗೂ ಬಿಜೆಪಿ ಪದಾಧಿಕಾರಿಗಳು ಮತ್ತು ಕಾರ್ಯಕರ್ತರು ಸನ್ಮಾನಿಸಿದರು.
ವರದಿ : ರಾಯಿ ರಾಜು ಕುಮಾರ್ ಮೂಡುಬಿದಿರೆ
ಮೂಡುಬಿದಿರೆ : ರಾಜಕೀಯ ರಂಗ ತಿರುವು ಪಡೆದ ಮೂಡುಬಿದಿರೆ ಪುರಸಭೆಯಲ್ಲಿ ಬಿಜೆಪಿ ಅಧಿಕಾರಕ್ಕೇರಿದೆ.
ಆ.21ರಂದು ನಡೆದಿರುವ ಮೂಡಬಿದಿರೆ ಪುರಸಭೆಯ ಚುನಾವಣೆಯ ನೇತೃತ್ವವನ್ನು ತಹಶೀಲ್ದಾರ ಶ್ರವಣಕುಮಾರ ವಹಿಸಿಕೊಂಡರು.
ಮೂಡುಬಿದಿರೆ ಪುರಸಭಾ ಅಧ್ಯಕ್ಷ ಮತ್ತು ಉಪಾಧ್ಯಕ್ಷರ ಚುನಾವಣೆಯಲ್ಲಿ ಸ್ಥಳೀಯ ಸಂಸದ ಬ್ರಿಜೇಶ್ ಚೌಟ ಹಾಗೂ ಸ್ಥಳೀಯ ಶಾಸಕ ಉಮಾನಾಥ ಕೋಟ್ಯಾನ್ ಇವರ ಎರಡು ಮತಗಳ ಸಹಕಾರದಿಂದ 12 ಬಿಜೆಪಿ ಪುರಸಭಾ ಸದಸ್ಯರು ಸೇರಿ ಒಟ್ಟು 14 ಮತಗಳನ್ನು ಪಡೆದು ಅಧ್ಯಕ್ಷ ಸ್ಥಾನಕ್ಕೆ ಜಯಶ್ರೀ ಹಾಗೂ ಉಪಾಧ್ಯಕ್ಷ ಸ್ಥಾನಕ್ಕೆ ನಾಗರಾಜ ಪೂಜಾರಿಯವರು ಆಯ್ಕೆಯಾಗಿರುತ್ತಾರೆ.
11 ಕಾಂಗ್ರೆಸ್ ಪುರಸಭಾ ಸದಸ್ಯರ ಮತಗಳನ್ನು ಪಡೆದು ಕಾಂಗ್ರೆಸ್ನ ಮಮತಾ ಹಾಗೂ ಉಪಾಧ್ಯಕ್ಷ ಸ್ಥಾನಕ್ಕೆ ಕೊರಗಪ್ಪ ಅವರು ಸ್ಪರ್ಧಿಸಿದ್ದರು.
ಆಯ್ಕೆಯ ತರುವಾಯ ಸಂಸದರು ಹಾಗೂ ಶಾಸಕರು ನೂತನ ಅಧ್ಯಕ್ಷ ಮತ್ತು ಉಪಾಧ್ಯಕ್ಷರನ್ನು ಗೌರವಿಸಿದರು
