ನಿಟ್ಟೆ ಕಾಲೇಜ್ ನಲ್ಲಿ ವಿದ್ಯಾರ್ಥಿಗಳೊಂದಿಗೆ ಸ್ವಚ್ಛತಾ ಸಂವಾದ ಮತ್ತು ವನಮಹೋತ್ಸವ ನಡೆಸಿದ ಸ್ವಚ್ಛ ಕಾರ್ಕಳ ಬ್ರಿಗೇಡ್
ಕಾರ್ಕಳ : ಎನ್ ಎಂ ಎ ಎಂ ಐ ಟಿ ನಿಟ್ಟೆ ಆಯೋಜಿಸಿದ ಪ್ರಥಮ ವರ್ಷದ ಇಂಜಿನಿಯರಿಂಗ್ ವಿದ್ಯಾರ್ಥಿಗಳಿಗೆ ಓರಿಯಂಟೇಷನ್ ಕಾರ್ಯಕ್ರಮದ ಅಂಗವಾಗಿ ಸ್ವಚ್ಛ ಕಾರ್ಕಳ ಬ್ರಿಗೇಡ್ ತಂಡವನ್ನು ಜುಲಾಯಿ 22ರಂದು ಸ್ವಚ್ಛ ಭಾರತ್ ಕುರಿತು ಕಾರ್ಯಾಗಾರವನ್ನು ನಡೆಸಲು ಆಹ್ವಾನಿಸಲಾಯಿತು.
ತಂಡವು ಶಾಲೆಗಳು ಮತ್ತು ಕಾಲೇಜುಗಳಲ್ಲಿ ವಿದ್ಯಾರ್ಥಿಗಳಿಗಾಗಿ “ಸ್ವಚ್ಛತಾ ಸಂವಾದ” ಸಂವಾದಾತ್ಮಕ ಜಾಗೃತಿ ಕಾರ್ಯಕ್ರಮವನ್ನು ನಡೆಸುತ್ತಿದೆ. ತಂಡದ ಸದಸ್ಯರಾದ ಸುಬ್ರಹ್ಮಣ್ಯ ದೇವಾಡಿಗ ಮತ್ತು ಯುವ ವಕೀಲರಾದ ಎಂ.ಕೆ.ವಿಪುಲತೇಜ್ ಅವರು ಕಳೆದ 5 ವರ್ಷಗಳಿಂದ ತಂಡವು ಮಾಡಿದ ಕೆಲಸಗಳು, ಎದುರಿಸಿದ ಸವಾಲುಗಳು, ತೆಗೆದುಕೊಂಡ ಕ್ರಮಗಳು ಮತ್ತು ಸ್ವಚ್ಛ ಭಾರತ್ ಮಿಷನ್‌ಗೆ ಇರುವ ಅಡೆತಡೆಗಳ ಬಗ್ಗೆ ವಿವರಿಸುವ ಮೂರು ಅವಧಿಗಳನ್ನು ನಡೆಸಿದರು.
ಈ ಸಮಸ್ಯೆಗಳಿಗೆ ಪರಿಹಾರಗಳನ್ನು ನೀಡಲು ವಿದ್ಯಾರ್ಥಿಗಳನ್ನು ಕೇಳಲಾಯಿತು,. ಇದಕ್ಕೆ ಅವರು ಬಹುವಿಧದ ಆಲೋಚನೆಗಳು ಮತ್ತು ಪರಿಹಾರಗಳೊಂದಿಗೆ ಉತ್ಸಾಹದಿಂದ ಪ್ರತಿಕ್ರಿಯಿಸಿದರು. ವಿದ್ಯಾರ್ಥಿಗಳಿಗೆ ತ್ಯಾಜ್ಯದ ಬಗೆಗಳು ಮತ್ತು ತ್ಯಾಜ್ಯ ವಿಂಗಡಣೆಯ ಮಹತ್ವದ ಬಗ್ಗೆಯೂ ತಿಳಿಸಲಾಯಿತು.
ವಿದ್ಯಾರ್ಥಿಗಳನ್ನು ಪ್ರೋತ್ಸಾಹಿಸಿದ ಸ್ವಚ್ಛ ಕಾರ್ಕಳ ಬ್ರಿಗೇಡ್‌ನ ಸದಸ್ಯೆ ಮತ್ತು ಅದೇ ಕಾಲೇಜಿನ ಪ್ರಾಧ್ಯಾಪಕರು ಡಾ.ಪ್ರಭಾ ನಿರಂಜನ್ ತಂಡದೊಂದಿಗೆ ಇಂಟರ್ನ್‌ಶಿಪ್ ಮಾಡಲು ಮತ್ತು ವೈಜ್ಞಾನಿಕ ತ್ಯಾಜ್ಯ ನಿರ್ವಹಣೆಗೆ ಯೋಜನೆಗಳನ್ನು ರೂಪಿಸಲು ವಿದ್ಯಾರ್ಥಿಗಳನ್ನು ಪ್ರೋತ್ಸಾಹಿಸಿದರು.
ನಂತರ ವಿದ್ಯಾರ್ಥಿಗಳು ಮತ್ತು ಸ್ವಚ್ಛ ಕಾರ್ಕಳ ಬ್ರಿಗೇಡ್ ಕಾಲೇಜು ಆವರಣದಲ್ಲಿ “ವೃಕ್ಷಾರೋಹಣ 2024” ಅಭಿಯಾನದ ಅಂಗವಾಗಿ ಸುಮಾರು 100 ಸಸಿಗಳನ್ನು ನೆಟ್ಟರು ಮತ್ತು ಅವರು ಪದವಿ ಪಡೆಯುವವರೆಗೆ ಅದನ್ನು ನೋಡಿಕೊಳ್ಳುವುದಾಗಿ ಪ್ರತಿಜ್ಞೆ ಮಾಡಿದರು.
ಸಂಪೂರ್ಣ ಕಾರ್ಯಕ್ರಮವನ್ನು ಶ್ರೀಮತಿ ಕರುಣಾ ಪಂಡಿತ್, ವಿದ್ಯಾರ್ಥಿ ಇಂಡಕ್ಷನ್ ಕಾರ್ಯಕ್ರಮದ ಸಂಯೋಜಕರು, NMAMIT ಅವರು ಆಯೋಜಿಸಿದರು. ಪ್ರಾಂಶುಪಾಲ ಡಾ. ನಿರಂಜನ್ ಚಿಪ್ಳೂಣಕರ್ ಅವರಿಗೆ, ಈ ಸ್ವಚ್ಛತಾ ಸಂವಾದದ ಕುರಿತು ಕಾರ್ಯಗಾರ ಆಯೋಜಿಸಿದ್ದಕ್ಕಾಗಿ ತಂಡ ಸ್ವಚ್ಛ ಕಾರ್ಕಳ ಬ್ರಿಗೇಡ್ ಕೃತಜ್ಞತೆ ಸಲ್ಲಿಸಿತು.
