ಕಲ್ಯಾಣಪುರ ಮಿಲಾಗ್ರಿಸ್ ಕಾಲೇಜಿನಲ್ಲಿ ರೋಟರಿ ಉಡುಪಿಯಿಂದ ವನಮಹೋತ್ಸವ
ಕಲ್ಯಾಣಪುರ ಮಿಲಾಗ್ರಿಸ್ ಪದವಿ ಪೂರ್ವ ಕಾಲೇಜಿನ ಸಯನ್ಸ್ ಮತ್ತು ಇಕೊ ಕ್ಲಬ್ ಜತೆ ಜಂಟಿಯಾಗಿ ರೋಟರಿ ಉಡುಪಿಯು ಅಲ್ಲಿ ಈ ರೋಟರಿ ಉಡುಪಿ ಮಾಡಿದ ಮಿಯಾವಾಕಿ ಕಾಡಿನ ಬಳಿ ರೋಟರಿ ಸದಸ್ಯರು ಮತ್ತು ವಿದ್ಯಾರ್ಥಿಗಳು ಗಿಡಗಳನ್ನು ನಡುವುದರ ಮೂಲಕ ವನಮಹೋತ್ಸವ ವನ್ನು ಆಚರಿಸಿದರು. ಕಾಲೇಜಿನ ಪ್ರಾಂಶುಪಾಲೆ ಶ್ರೀ ಮತಿ ಸವಿತಾ ಕುಮಾರಿ ಯವರು ವಿದ್ಯಾರ್ಥಿಗಳಿಗೆ ವನಮಹೋತ್ಸವದ ಉದ್ದೇಶ ಮತ್ತು ಮಹತ್ವವನ್ನು ತಿಳಿಸಿ ರೋಟರಿ ಉಡುಪಿಯ ಸಹಕಾರಕ್ಕೆ ಧನ್ಯವಾದ ವಿತ್ತರು.
ಪ್ರಾರಂಭದಲ್ಲಿ ನಡೆದ ಕಾರ್ಯಕ್ರಮ ದಲ್ಲಿ ವಿದ್ಯಾರ್ಥಿ ಕುಮಾರಿ ಚಂದನ ಸ್ವಾಗತಿದ ನಂತರ ಪ್ರಾಂಶುಪಾಲೆ ಸವಿತಾ ಕುಮಾರಿ ಯವರು ಪರಿಸರ ಸಂರಕ್ಷಣೆ ಯ ಅಗತ್ಯತೆ, ವನಮಹೋತ್ಸವದ ಇತಿಹಾಸ ಮತ್ತು ಉದ್ಧೇಶ ಗಳ ಬಗ್ಗೆ ವಿದ್ಯಾರ್ಥಿಗಳಿಗೆ ತಿಳಿಸಿಹೇಳಿದರು. ರೋಟರಿ ಅದ್ಯಕ್ಷ ರೋ.ಗುರುರಾಜ ಬಟ್ಟರು ಪ್ಲಾಸ್ಟಿಕ್ ಬಳಕೆ, ಅದರ ಅಸಮರ್ಪಕ ವಿಲೆವಾರಿಯಿಂದ ಪರಿಸರದ ಮೇಲಾಗುವ ದುಷ್ಪರಿಣಾಮ ಗಳು ಮತ್ತು ವಿದ್ಯಾರ್ಥಿಗಳು ಈ ಬಗ್ಗೆ ತೆಗೆದುಕೊಳ್ಳಬಹುದಾದ ಕ್ರಮಗಳ ಬಗ್ಗೆ ಜಾಗೃತಿ ಮೂಡಿಸಿದರು. ಕಾರ್ಯಕ್ರಮದಲ್ಲಿ ಇಕೋ ಕ್ಲಬ್ ನ ಸಂಚಾಲಕಿ ಲೊಲೆಟಾ ಡಿಸೋಜ, ಸಹ ಸಂಚಾಲಕಿ ರೋಷನಿ ಸೋನ್ಸ್, ಕಾರ್ಯದರ್ಶಿ ರೋ. ವೈಷ್ಣವಿ ಆಚಾರ್ಯ ಉಪಸ್ಥಿತರಿದ್ದರು. ಸಮಾರಂಭದಲ್ಲಿ ರೋ. ರಘುಪತಿ ಉಪಾಧ್ಯ, ರೋ.ರಾಮಚಂದ್ರ ಉಪಾಧ್ಯಾಯ, ರೊ. ಹೇಮಂತಕಾಂತ, ರೋ.ಶುಭಲಕ್ಷ್ಮಿ ಭಟ್ ಮತ್ತು ರೋ.ಸಾದನಾ ಮುಂಡ್ಕೂರ್ ಬಾಗವಹಿಸಿದ್ದರು.
