ಎಟಿಎಂ ಕೇಂದ್ರಗಳಲ್ಲಿ ಕೈ ಚಳಕ : ಕುಖ್ಯಾತ ತಂಡ ಪೊಲೀಸರ ಬಲೆಗೆ

ಕಾರ್ಕಳ: ಅಜೆಕಾರು ಹೆನ್ರಿ ಡಿಸೋಜ ಅವರ ಎಟಿ ಎಂ ಕಾರ್ಡ್ ಅನ್ನು ಬದಲಾಯಿಸಿ ಒಂದು ಲಕ್ಷ ರೂಪಾಯಿ ಎಗರಿಸಿದ ಪ್ರಕರಣಕ್ಕೆ ಸಂಬಂಧಿಸಿದಂತೆ ಅಜೆಕಾರು ಪೋಲೀಸರು ಪ್ರಕರಣವನ್ನು ಭೇದಿಸಿ ಅಂತರರಾಜ್ಯ ಕುಖ್ಯಾತ ಕಳ್ಳರನ್ನು 3 ಕಳ್ಳರನ್ನು ಅಜೆಕಾರು ಪೋಲೀಸರು ಬಂಧಿಸುವಲ್ಲಿ ಯಶಸ್ವಿಯಾಗಿದ್ದಾರೆ.
ಅಜೆಕಾರು ಪೋಲೀಸರ ಕಾರ್ಯಕ್ಕೆ ಸಾರ್ವಜನಿಕ ವಲಯದಲ್ಲಿ ಮೆಚ್ಚುಗೆ ವ್ಯಕ್ತವಾಗಿದೆ.

ಮಹಾರಾಷ್ಟ್ರ ದ ಸೋಲಾಪುರ ದ ಕೇದಾರನಾಥ ನಗರದ ಶ್ರವಣ್ ಸತೀಶ ಮಿನಜಗಿ, (27), ಸೋಲಾಪುರ ತಾಲೂಕಿನ ಕುಮ್ಮಾ ನಗರ ದ ಇಂದಿರಾ ನಗರ‌ದ ಪ್ರದೀಪ ಮಾರುತಿ ಇಂಗ್ಲೆ, (27), ಪುಣೆ ಜಿಲ್ಲೆಯ ಇಂದಾಪುರ ತಾಲೂಕಿನ ವನಗಲ್ಲಿಯ ಕಿರಣ್ ಬಾಲು ಚೌಹಾನ್, (28), ಎಂಬವರನ್ನು ಪೋಲೀಸರು ಬಂಧಿಸಿದ್ದಾರೆ. ನಾಲ್ಕನೆ ಅರೋಪಿ ಪತ್ತೆಗಾಗಿ ಅಜೆಕಾರು ಪೋಲೀಸರು ಬಲೆಬೀಸಿದ್ದಾರೆ. ಈ ಮೂರವರು ಕಳ್ಳರ ಮೇಲೆ ಹೆಚ್ಚು ವಿವಿಧ ಠಾಣೆಗಳಲ್ಲಿ 70 ಕ್ಕೂಪ್ರಕರಣ ದಾಖಲಾಗಿದೆ

ಅಜೆಕಾರು ಪೊಲೀಸ್ ಠಾಣೆಯ ಪಿಎಸ್‌ಐ ಶುಭಕರ, ಸಿಬ್ಬಂದಿಯವರೊಂದಿಗೆ ಮಂಗಳ ವಾರ ಮರ್ಣೆ ಗ್ರಾಮದ ಕಾಡುಹೊಳೆ ಪೊಲೀಸ್ ಚೆಕ್‌ಪೋಸ್ಟ್ ಬಳಿ ತಪಾಸಣೆ ನಡೆಸುತಿದ್ದ ವೇಳೆ ಆರೋಪಿಗಳು ಸಿಕ್ಕಿ ಬಿದ್ದಿದ್ದು , ಆರೋಪಿ ಗಳಿಂದ ಕೃತ್ಯಕ್ಕೆ ಬಳಸಿದ 4,00,000 ಮೌಲ್ಯದ ಕಾರು , ಮೊಬೈಲ್ ಫೋನ್‌ಗಳು-3. ವಿವಿಧ ಬ್ಯಾಂಕ್‌ಗಳ ಒಟ್ಟು 52 ಎಟಿಎಮ್ ಕಾರ್ಡ್‌ಗಳು-52 ಸೇರಿದಂತೆ ಒಟ್ಟು 485000 ಮೌಲ್ಯದ ವಸ್ತುಗಳನ್ನು ಪೋಲೀಸರು ವಶಪಡಿಸಿಕೊಂಡಿದ್ದಾರೆ.

ಪ್ರಕರಣಧ ಹಿನ್ನೆಲೆ:
ಸೆ.16 ರಂದು ಸಂಜೆ ಬೊಂಡುಕುಮೇರಿ ನಿವಾಸಿ ಹೆನ್ರಿ ನ ಡಿ’ಸೋಜಾ ಅಜೆಕಾರು ಪೇಟೆಯಲ್ಲಿರುವ ಎಟಿಎಂ ನಿಂದ ಹಣ ಡ್ರಾ ಮಾಡಲು ಬಂದಾಗ ಅವರ ಬೇರೆಡೆ ಗಮನವನ್ನು ಸೆಳೆದು ಮೋಸದಿಂದ ಅವರ ಎಟಿಎಮ್ ಕಾರ್ಡನ್ನು ಬದಲಾವಣೆ ಮಾಡಿ ಅವರಿಗೆ ಬೇರೆ ಕಾರ್ಡ್ ಕೊಟ್ಟು, ಅವರ ಕಾರ್ಡ್‌ ನಿಂದ ಕಾರ್ಕಳದ ಎಟಿಎಮ್‌ ನಲ್ಲಿ 1 ಲಕ್ಷ ರೂಪಾಯಿಯನ್ನು ಡ್ರಾ ಮಾಡಿದ ಬಗ್ಗೆ ಅಜೆಕಾರು ಠಾಣೆಯಲ್ಲಿ ಪ್ರಕರಣ ದಾಖಲಾಗಿತ್ತು.
ಮಂಗಳವಾರವು ಕಾರ್ಕಳ ತಾಲೂಕಿನ ಜೋಡುರಸ್ತೆಯ ಎಟಿಎಂ ನಲ್ಲಿಯು ಹಣ ಎಗರಿಸಿದ ಎರಡನೆ ಪ್ರಕರಣವು ದಾಖಲಾಗಿತ್ತು.